ಮ್ಯೂಚುವಲ್ ಫಂಡ್ ಎಂದರೇನು?
ಮ್ಯೂಚುವಲ್ ಫಂಡ್ ಅನೇಕ ಹೂಡಿಕೆದಾರರಿಂದ ಹಣವನ್ನು ಒಟ್ಟುಗೂಡಿಸಿ, ಮೊದಲೇ ತಿಳಿಸಿದ ಯೋಜನೆಯಂತೆ ಷೇರುಗಳು, ಬಾಂಡ್‌ಗಳು, ಚಿನ್ನ ಅಥವಾ ಇತರ ಆಸ್ತಿಗಳಲ್ಲಿ ಹೂಡಿಕೆ ಮಾಡುತ್ತದೆ. ಎಲ್ಲಿ ಹೂಡಿಕೆ ಮಾಡಬೇಕು ಎಂಬ ನಿರ್ಧಾರಗಳನ್ನು ಒಬ್ಬ ವೃತ್ತಿಪರ ಫಂಡ್ ಮ್ಯಾನೇಜರ್ ತೆಗೆದುಕೊಳ್ಳುತ್ತಾರೆ.
ನೀವು ಹೂಡಿಕೆ ಮಾಡಿದಾಗ, ಫಂಡ್‌ನ ಯೂನಿಟ್‌ಗಳು ನಿಮಗೆ ಸಿಗುತ್ತವೆ. ಫಂಡ್ ಮಾಡಿರುವ ಹೂಡಿಕೆಗಳ ಮೌಲ್ಯ ಏರಿದರೆ ಅಥವಾ ಇಳಿದರೆ, ನಿಮ್ಮ ಯೂನಿಟ್‌ಗಳ ಮೌಲ್ಯವೂ ಅದರ ಜೊತೆಗೇ ಬದಲಾಗುತ್ತದೆ.
ಭಾರತದಲ್ಲಿ ಮ್ಯೂಚುವಲ್ ಫಂಡ್‌ಗಳನ್ನು SEBI ನಿಯಂತ್ರಿಸುತ್ತದೆ. ಪ್ರತಿಯೊಂದು ಫಂಡ್ ಅನ್ನು ಒಂದು ಆಸ್ತಿ ನಿರ್ವಹಣಾ ಕಂಪನಿ (AMC) ನಡೆಸುತ್ತದೆ. ನಿಮ್ಮ ಹಣವನ್ನು ಒಂದು ಸ್ವತಂತ್ರ ಕಸ್ಟೋಡಿಯನ್ ಸಂಸ್ಥೆ ಇಟ್ಟುಕೊಳ್ಳುತ್ತದೆ; AMC ಆಗಲೀ ಈ ಆ್ಯಪ್ ಆಗಲೀ ಅಲ್ಲ.
ಉದಾಹರಣೆ
NAV ₹50 ಇದ್ದಾಗ ನೀವು ₹10,000 ಹೂಡಿಕೆ ಮಾಡಿದರೆ, ನಿಮಗೆ 200 ಯೂನಿಟ್‌ಗಳು ಸಿಗುತ್ತವೆ. NAV ₹60 ಕ್ಕೆ ಏರಿದರೆ, ನಿಮ್ಮ ಹೂಡಿಕೆಯ ಮೌಲ್ಯ ₹12,000 ಆಗುತ್ತದೆ.
ನವೀಕರಿಸಲಾಗಿದೆ: